Pres-sakratar prezidenta Rasii Dźmitryj Piaskoŭ abvierh paviedamleńni niekatorych ŚMI ab tym, što apazicyjanier Alaksiej Navalny moh być vyzvaleny z-pad varty pa ŭkazańni prezidenta Pucina, pra što, u svaju čarhu, kiraŭnika dziaržavy moh paprasić v.a. mera Maskvy Siarhiej Sabianin.
Piaskoŭ nazvaŭ hetyja zdahadki hłupstvam.
"Naohuł kazać pra toje, što prezident daŭ kamandu i Navalnaha vyzvalili — heta, prynamsi, hłupstva. Heta značyć nie viedać, jak uładkavanaja ŭ nas sudovaja ŭłada. Rašeńnie suda ab uziaćci jaho pad vartu ŭ zale suda było apratestavana ŭ zakonnym paradku, i prymiešvać siudy niejak prezidenta — niełahična i niapravilna", — zajaviŭ pres-sakratar prezidenta.
U čaćvier kandydat u mery Maskvy i kiraŭnik Fondu pa baraćbie z karupcyjaj Alaksiej Navalny byŭ asudžany da piaci hadoŭ pazbaŭleńnia voli pa spravie "Kiraŭlesa" i aryštavany ŭ zale suda.
Adnak u toj ža dzień - niečakana dla ŭsich, uklučna z samim Navalnym, — rašeńnie ab zaklučeńni jaho pad vartu abskardziła prakuratura, i ŭ piatnicu Navalny byŭ adpuščany pad padpisku ab niavyjeździe.
