Vypadak adbyŭsia ŭ Babrujsku. 27 lipienia a 6-j hadzinie 16-hadovaja Natalla vyjšła z chaty na tradycyjnuju ranišniuju prabiežku i nie viarnułasia. Na telefon nie adkazvała. Viačasłaŭ Šeleh padaŭ zajavu pra źniknieńnie ŭ milicyju.
Natalla praź niekalki hadzin znajšłasia ŭ lesie, źbitaja, abmazanaja farbaj, z parvanaj vopratkaj i biez abutku.
Jak raspavioŭ sp. Šeleh, prykładna kala 6.30, kali dačka visieła na turniku da jaje zzadu niechta padyšoŭ i udaryŭ mocna pa hałavie.Natalla zhubiła prytomnaść. Ačnułasia jana ŭ lesie z raźbitaj patylicaj. Uvieś tvar i ruki byli abmazanyja čornaj farbaj, padobnaj na tuju, jakaja vykarystoŭvajecca pry adbitkach palcaŭ. U dziaŭčyny taksama źniali i zabrali abutak, klučy i mabilny telefon. Kala 2 hadzin Natalla błukała pa lesie i vyjšła na darohu ŭ rajon Ščatkava kala dziciačych letnikaŭ — heta prykładna 20 km ad jaje doma. Sprabavała spynić mašynu, doŭha nichto nie spyniaŭsia. Paśla spyniŭsia niejki čałaviek i daŭ jon mabilny telefon.
Apieratyŭny dziažurny Upraŭleńnia ŭnutranych spraŭ Mahiloŭskaha abłvykankama Andrej Dyščanka paviedamiŭ, što milicyjaj raspačata pravierka, viaducca śledčyja dziejańni.
Viačasłaŭ Šeleh advioz dačku ŭ traŭmapunkt. U dziaŭčyny padazreńnie na strasieńnie mazhoŭ.
Sam Viačasłaŭ Šeleh źviazvaje źniknieńnie dački sa svajoj aktyŭnaj palityčnaj dziejnaściu.
Viačasłaŭ Šeleh — babrujski pradprymalnik, siabra arhkamiteta pa stvareńni partyi Biełaruskaja chryścijanskaja demakratyja. Bałatavaŭsia ŭ 2010 hodzie ŭ Mahiloŭski abłsaviet pa Kiraŭskaj vybarčaj akruzie. Pisaŭ skarhi na parušeńni vybarčaha zakanadaŭstva.
0
0
0
0
0
0