Adnojčy Zieŭs
Złučyć prydumaŭ u Sajuz,
Maŭlaŭ, im budzie tam utulniej,
Ambroziju pavodle płana
Padzielim centralizavana,
Biez roznych zakulisnych hulniaŭ!
Złučyli muzaŭ u Sajuz,
Dy raptam zdaryŭsia kanfuz:
Zanadta mnoha muzaŭ stała,
Bo pazapisvalisia ŭ členy
Kientaŭry, Cerbier i sireny,
Na ŭsich ambrozii zamała!
Tady abrali staršyniu —
Z hor Erymanfskuju śvińniu,
Kab za ambrozijaj sačyła,
Kab dla siabroŭ chapiła kormu
Śvińnia ustalavała normu —
Pa kropli kožnamu na ryła.
Ale paznačany Sajuz
Ciapier užo žyvie biez muz:
U muzaŭ nie znajšłosia ryłaŭ,
Adnoje — kryły.
0
0
0
0
0
0