Hurt Re1ikt staŭ najlepšym na fiestyvali Rockowisko 3

Na fiestyvali Rockowisko, što prachodzić u Hajnaŭcy (Polšča), pieramoh biełaruski hurt Re1ikt — žury festa adzinahałosna addała pieravahu hurtu. Ciapier Re1ikt adkryje nastupny fest.

Re1ikt — adzin z samych cikavych sučasnych hurtoŭ Biełarusi, užo nie pieršy raz pieramahaje na zamiežnych festach: u 2009 hodzie jany ŭziali Hran-pry na «Bardaŭskaj vosieni», u 2011 hodzie stała «Adkryćciom hoda» pa viersii «Tuzina hitoŭ», a na fiestyvali «Dajem rady» atrymali ŭznaharodu «Nadzieja-2013».

Hurt spałučaje ŭ sabie tradycyjny biełaruski falkłor, a taksama kłasičnaje zachodniaje rokavaje hučańnie — miašanka tolki na pieršy pohlad niemahčymaja. U vyniku nakłady albomaŭ Re1ikt razychodziacca całkam i navat pieravydajucca, što ŭ epochu kryzisa CD uvohule padobna na cud.

Što tyčycca festu Rockowisko, to i tam biełarusy pieramahajuć nie pieršy raz — u minułym hodzie žury addała pieravahu hurtu The Toodes, jaki vielmi kamfortna pačuvajecca ŭ liniejkach polskich rok-festaŭ. Adnak u adroźnieńni ad Re1ikt nie niasie takoha jaskravaha biełaruskaha zaradu.

0

0

0

0

0

0

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH