Konkurs «Mis Minsk-2013» zasłužana moža ličycca paśmiešyščam suśvietnaj industryi konkursaŭ pryhažości. Mnoju zdabytyja čarhovyja dokazy, jakija hetym razam śviedčać pra toje, što ŭ finale haradskoha konkursu pryhažości ŭ parušeńnie ŭsich praviłaŭ prymała ŭdzieł kankursantka, jakaja niezadoŭha da hetaha zrabiła płastyčnuju apieracyju pa pavieličeńni pamieru hrudziej.
Dziesiać dzion tamu ja apublikavaŭ eratyčnuju fotapadborku stryptyzioršy Kryściny Illuk, jakaja ŭvajšła ŭ TOP-15 finalnaj častki konkursu «Mis Minsk-2013» — z adnaho ź minskich načnych kłubaŭ z tureckim kapitałam, dzie jana zabaŭlaje publiku, tancujučy stryptyz. Było bačna, što ŭ dziaŭčyny minijaciurnyja hrudzi. Ale na fota ź finału konkursu pryhažości, na jakim zafiksavany vychad Kryściny Illuk u kupalniku, u dziaŭčyny bačnyja hrudzi ŭžo zusim inšych pamieraŭ.
Čytačy śpisali ŭsio na efiekt puš-ap — biusthaltara, jaki nadaje dadatkovy abjom hrudziej za košt parałonavych abo silikonavych ustavak u čaški stanika, i kali pryŭzdymajucca hrudzi i vizualna pavialičvajecca ich pamier. Ale ŭ realnaści hrudzi Kryściny Illuk pavialičyłasia dziakujučy skalpielu płastyčnaha chirurha i hrudnym impłantatam.
Voś fota aholenaj Kryściny Illuk, zroblenyja 18 maja 2013 h., h.zn. za niekalki dzion da zakančeńnia kastynhu «Mis Minsk-2013». Hrudnyja impłantaty prama vytyrkajuć ź jaje, vidać, što samaj Kryścinie niekamfortna z novymi štučnymi pamierami.
Darečy, košt mamapłastyka (endapratezavańnie małočnych załoz) biez uliku impłantaŭ u dziaržaŭnym Kliničnym centry płastyčnaj chirurhii i miedycynskaj kaśmietałohii h. Minska dla hramadzian Biełarusi składaje mienš za 1.000 $.
d-zholik.livejournal.com
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
