Pinsk — ci nie adziny horad ŭ Biełarusi, dzie na haradskim uzroŭni adznačajecca Dzień VMF.
Pa daŭniaj zaviadzioncy heta śviata prachodzić u apošniuju niadzielu lipienia. Na centralnaj płoščy horada byłyja vajskovyja maraki ładziać zbor, šeściem prachodziać praz histaryčny centr stalicy Paleśsia i pravodziać hulańni ŭ haradskim parku. Za savieckim časam u Pinsku znachodziłasia dźvie vajskovyja častki Dniaproŭskaj fłatylii VMF i pa siońnia ŭ horadzie pražyvaje niekalki tysiač adstaŭnikoŭ-marakoŭ. Mienavita tamu hetaje śviata adznačajecca ŭ savieckaj tradycyi, u apošnija hady da ŭsiaho hetaha dałučajecca simvolika sučasnaha vajennaha fłota Rasii.
Račnaja fłatylija ŭ Pinsku była stvorana palakami jašče ŭ 1919 hodzie.Z pačatkam Druhoj suśvietnaj vajny ŭ 1939 hodzie kamandavańnie fłatylii pryniało rašeńnie zatapić karabli ŭ Prypiaci i Karaleŭskim kanale. Usiaho było zatoplena bolš za sotniu sudnaŭ. Ich ekipažy nieŭzabavie trapili ŭ pałon da Čyrvonaj armii. Ab hetaj staroncy historyi vajskovaha fłota ŭ Pinsku amal nichto nie viedaje.
0
0
0
0
0
0
