Dziaŭčyna, jakaja raźmiaściła ŭ sacyjalnaj sietcy ŭ Internecie svaje fatahrafii i pradstaviłasia inśpiektaram pa spravach niepaŭnaletnich Leninskaha RAUS horada Minska, nie maje nijakaha dačynieńnia da pravaachoŭnych orhanaŭ. Ab hetym BiełTA paviedamili ŭ Hałoŭnym upraŭleńni ŭnutranych spraŭ Minskaha haradskoha vykanaŭčaha kamiteta.
«Učora ŭ Internecie šeraham ŚMI byli šyroka raspaŭsiudžanyja fatahrafii dziaŭčyny, jakuju aŭtary materyjałaŭ pradstavili jak „inśpiektara pa spravach niepaŭnaletnich Leninskaha RAUS h. Minska“. Pa vynikach papiaredniaj pravierki, praviedzienaj HUUS Minharvykankama, dziaŭčyna Iłona, pra jakuju idzie havorka ŭ publikacyjach, biespadstaŭna pakazała na svajoj asabistaj staroncy (u sacyjalnaj sietcy «vKontaktie») miescam ciapierašniaj pracy vyšejnazvanaje RUUS.
Jana sapraŭdy źviartałasia z zajavaj u orhany ŭnutranych spraŭ z metaj pracaŭładkavańnia. Adnak nie prajšła ustanoŭlenyja dla takich vypadkaŭ pravierki, i dva tydni tamu joj było admoŭlena ŭ pryjomie na słužbu pa niehatyŭnych padstavach.Takim čynam, jaje status u asabistaj staroncy nie mieŭ ničoha ahulnaha z rečaisnaściu. U ciapierašni čas jon vydaleny. Pravodzicca dalejšy razbor», — adznačyli ŭ HUUS.
0
0
0
0
0
0
