Alaksandr Łukašenka zajaŭlaje, što źmianieńnie vybarčaha zakanadaŭstva ŭ krainie pavinna być uzvažanym i ŭ intaresach biełaruskaha naroda, a nie dziela spabornictva ź inšymi krainami.
Adkryvajučy naradu, Łukašenka adznačyŭ: «Jak i damaŭlalisia ŭ studzieni, my jašče raz sustrakajemsia i abmiarkoŭvajem pytańni ŭdaskanaleńnia vybarčaha zakanadaŭstva. Ja miarkuju, siońniašniaja razmova budzie kančatkovaj pierad uniasieńniem prajekta zakona ŭ parłamient».
Pa słovach Łukašenki, u hetym prajekcie znajšli adlustravańnie ŭchvalenyja prapanovy pa aptymizacyi vybarčaha pracesu.
«Pakolki prajektam zakona zakranajucca vielmi važnyja dla vybarčaj sistemy pytańni, rašeńnie ab nieabchodnaści jaho ŭniasieńnia ŭ pałatu pradstaŭnikoŭ u prapanavanaj redakcyi pavinna być maksimalna pradumanym», — miarkuje jon.
Pry hetym Łukašenka padkreśliŭ, što nieabchodna ŭličyć usie mahčymyja nastupstvy prapanavanych mier i vyrazna ŭjaŭlać sabie miechanizm ich realizacyi.
«Kali my idziem na niejkaje pasłableńnie, to pavinny być upeŭnieny, što heta nie adabjecca niehatyŭna na stabilnaści ŭ krainie i kiravalnaści situacyjaj padčas vybaraŭ», — padkreśliŭ Alaksandr Łukašenka. Pry hetym jon adznačyŭ, što «nijakaha samavolstva i bieskantrolnaści być nie pavinna».
«Viedaju, što šerah pałažeńniaŭ prajekta padtrymany nie ŭsimi.Piarečańni vyklikajuć normy ab źmianieńni paradku finansavańnia vybarčych kampanij kandydataŭ. U pryvatnaści, ab pavieličeńni pamieraŭ vybarčych fondaŭ i mahčymaści ich stvareńnia na etapie vyłučeńnia kandydataŭ u Prezidenty Respubliki Biełaruś jašče da rehistracyi kandydataŭ «.
U suviazi z hetym Alaksandr Łukašenka prapanavaŭ kalehijalna abmierkavać zakonaprajekt u cełym i jaho asobnyja pałažeńni, jakija vyklikali roznahałośsi siarod udzielnikaŭ narady. «Kab pryniać uzvažanyja rašeńni, u poŭnaj miery jakija adkazvajuć intaresam biełaruskaj dziaržavy, my siońnia i sabralisia», — skazaŭ kiraŭnik dziaržavy.
Pry hetym Łukašenka paprasiŭ: «Davajcie nie budziem ładzić niejkija skoki, kab biehčy z kimści navypieradki,davajcie nie budziem pryśpiešvać čas i pastarajemsia iści ŭ nahu z padziejami i asabliva stałaściu našaha hramadstva. I davajcie budziem vyrašać tyja pytańni, jakija siońnia naśpieli, nie vydumlajučy niejkich novych, spasyłajučysia na novyja demakratyčnyja ci staryja demakratyčnyja dziaržavy i pracedury «.
Alaksandr Łukašenka padkreśliŭ: «My žyviem u svajoj krainie, jość prablema, jość pytańnie — davajcie vyrašać. Niama prablemy, niama pytańnia — davajcie nie budziem stvarać hetyja prablemy i pytańni».
Alaksandr Łukašenka adznačyŭ, što kryter adzin: «Vybary, inšyja kampanii prachodziać u Biełarusi dla biełaruskaha naroda i ŭ imia hetaha naroda.I vyrašać hetyja prablemy, jakija my siońnia budziem abmiarkoŭvać, pavinien biełaruski narod. My pavinny ŭsio rabić tak, jak siońnia žadaje narod, jaki žyvie ŭ našaj krainie. Heta hałoŭnaje «.
