Prync Fryza ź siamjoj.
Niderłandski prync Fryza, małodšy brat karala krainy Vilema-Alaksandra, pamior va ŭzroście 44 hadoŭ, paviedamlaje karaleŭski pałac Niderłandaŭ.
Prync znachodziŭsia ŭ stanie komy paśla niaščasnaha vypadku, jaki zdaryŭsia ŭ harach Aŭstryi ŭ lutym minułaha hoda, kali jon kataŭsia na hornych łyžach.
U zajavie pałaca adznačajecca, što prync Fryza pamior z-za uskładnieńniaŭ paśla paškodžańnia mozhu, vyklikanaha deficytam kisłarodu paśla niaščasnaha vypadku.
Prynca nakryła łavina, kali jon spuskaŭsia na łyžach pa niepadrychtavanym schile ŭ Aŭstryi (off-piste — katańnie za miežami łyžni, pa niemarkiravanaj i niepadrychtavanaj trasie), jon pravioŭ pad śnieham kala 15 chvilin.