Kolkaść nastaŭnikaŭ sioleta pamienieje na 7 tys. 1

Kolkaść piedahahičnych rabotnikaŭ va ŭstanovach siaredniaj i daškolnaj adukacyi sioleta skarocicca na 7 tys. čałaviek,

paviedamiŭ na pres-kanfierencyi 15 žniŭnia ministr adukacyi Biełarusi Siarhiej Maskievič.

Pavodle jaho słoŭ, heta źviazana z zakryćciom małaŭkamplektavanych škoł na vioscy, a taksama z vychadam niekatorych piedahohaŭ na piensiju. Jak adznačyŭ kiraŭnik Minadukacyi, letaś u Biełarusi pracavała 290 kłasaŭ, u jakich vučyłasia pa adnamu vučniu. U novym navučalnym hodzie ŭ krainie pierastanuć pracavać 130 ustanoŭ siaredniaj adukacyi, adkryjucca try novyja škoły na 1 tys. 701 miesca i adna daškolnaja ŭstanova na 240 miescaŭ.

Pavodle słoŭ Maskieviča, na piensiju sioleta vyjšli kala 9 tys. piedrabotnikaŭ.

U toj ža čas va ŭstanovy adukacyi pryjšli kala 6 tys. maładych śpiecyjalistaŭ. Usiaho ŭ sistemie ahulnaj siaredniaj i daškolnaj adukacyi sioleta buduć pracavać bolš čym 250 tys. piedrabotnikaŭ.

Jak zajaviŭ ministr, prablema niedachopu kadraŭ abo, naadvarot, pracoŭnych miescaŭ dla piedrabotnikaŭ u Biełarusi nie staić, chacia ŭ asobnych ustanovach jašče jość vakansii. Da prykładu, u Minsku jość svabodnyja pracoŭnyja miescy ŭ daškolnych ustanovach, jakimi, na dumku Maskieviča, mohuć skarystaccca studenty starejšych kursaŭ piedahahičnaha ŭniviersiteta, a taksama piedahohi-piensijaniery.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH