Łukašenka: Bolš šalonych hrošaj u sporcie nie budzie 2

«Bolš šalonych hrošaj u sporcie nie budzie. Pakazaŭ vynik — atrymaj šalonyja hrošy. Niama vyniku — niama hrošaj», — zajaviŭ Alaksandr Łukašenka 15 žniŭnia na naradzie pa prablemach BFST «Dynama» i šlachach ich vyrašeńnia.

Pavodle źviestak pres-słužby prezidenta, Łukašenka źviarnuŭ uvahu na toje, što praz peŭny čas paśla pryniaćcia asnoŭnych rašeńniaŭ pa rehulavańni dachodaŭ i zarpłaty spartsmienaŭ pavialičyłasia kolkaść niezadavolenych. «Niezadavolenych čym? Dziaržava nie daje hrošaj. Maŭlaŭ, my b chacieli, kab nam u miesiac płacili 10 tysiač dołaraŭ, a nam płaciać usiaho 2 tysiačy», — skazaŭ biełaruski kiraŭnik.

«Hrošy płacić budziem tolki dla taho, kab čałaviek moh zajmacca, rychtavacca da čempijanataŭ i pieršynstvaŭ, a asnoŭnyja dachody jon atrymaje za vynik.

Nie za 21-je i 41-je miescy na čempijanatach, a za 1-je, 2-je, 3-je miescy — za pierśpiektyvu hetaha čałavieka, — zajaviŭ Łukašenka. — Mnohija skažuć: pakul toj čempijanat śvietu, ja pavinien žyć, pracavać i, tym bolš, vykładvacca. Ale dla taho, kab žyŭ, pracavaŭ i vykładvaŭsia — tabie adpaviednaja staŭka zarpłaty. A potym — pa vynikach vystupleńniaŭ. Tamu nie treba chadzić i płakać».

Łukašenka raskrytykavaŭ i dziejnaść spartyŭnych kłubaŭ: «U nas što atrymałasia? Pierajšli my na kłubnuju sistemu.

Niekatoryja stvaryli kłuby. Chtości raniej biehaŭ z kluškaj, za miačom, a ciapier stali ŭ kłubach čynoŭnikami. Kiraŭnik kłuba, 10 namieśnikaŭ, 100 čynoŭnikaŭ u hetym kłubie — i maleńkaja kamanda ŭ 20–30 spartsmienaŭ, 3 treniery. Chto asnoŭnyja hrošy atrymlivaje? Čynoŭniki kłubaŭ! I daj boh ministram atrymlivać takuju zarabotnuju płatu. Durnicy hetaj bolš nie budzie».

Pavodle słoŭ Łukašenki, kłub — heta pradpryjemstva, jakoje pavinna zarablać hrošy:

«Zarablajcie hrošy, raschodujcie ich. Kolki zarabili, hetulki i raschodujcie». Datacyi ź biudžetu, skazaŭ jon, pavinny nakiroŭvacca tolki spartsmienam, trenieram, uračam i niekalkim śpiecyjalistam-servismienam.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH