Jaho razam ź mienskim moładzievym aktyvistam Alaksiejem Janušeŭskim vinavaciać u kradziažy dziaržaŭnaha ściaha z aršanskaha rajadździeła milicyi.
Zaŭtra ich znoŭ buduć sudzić u aršanskim sudzie. Viadomaha mastaka i mienskaha moładzievaha aktyvista vinavaciać u kradziažy dziaržaŭnaha ściaha z aršanskaha rajadździeła milicyi.
Siońnia padčas sudovaha pracesu, jaki raspačaŭsia a pałovie na piatuju viečara, Alaksiej Janušeŭski j Aleś Puškin paprasili advakataŭ. Da taho ž, Aleś Puškin zapatrabavaŭ, kab sudovy praces pravodziŭsia pa‑biełarusku i abviaściŭ, što budzie haładać, pakul jahonych patrabavańniaŭ nia vykanajuć.
Sud vyrašyŭ zadavolić ichnyja patrabavańni. U razhladzie spraŭ Alaksieja Janušeŭskaha i Alesia Puškina abvieščany pierapynak da zaŭtrašniaj ranicy.
Užo druhuju noč zapar jany musiać pravieści ŭ izalatary časovaha ŭtrymańnia. Ich źmiaścili tudy jašče 9 vieraśnia, paśla zatrymańnia na bardaŭskim feście «Aršanskaja bitva‑2007», jaki, niahledziačy na zabaronu milicyjantaŭ, prajšoŭ u minułyja vychodnyja.
