Džamil Hasanli.
U Azierbajdžanie apazicyjny Nacyjanalny saviet demakratyčnych sił abraŭ alternatyŭnaha adzinaha kandydata ŭ prezidenty. Im staŭ eks-deputat parłamienta ad Partyi narodnaha frontu, historyk Džamil Hasanli.
Raniej adzinym apazicyjnym kandydatam na pasadu kiraŭnika dziaržavy byŭ abrany piśmieńnik, scenaryst i kinarežysior Rustam Ibrahimbiekaŭ. Ale pakul jon nie moža viarnucca z Rasii — z-za pahrozy aryštu.
Pa słovach siabra kiraŭnictva Nacyjanalnaha savieta demakratyčnych sił Miechmana Alijeva, u vypadku rehistracyi Centrvybarkamam Ibrahimbiekava kandydatura Hasanli budzie źniataja.
Na dadzieny momant Centrvybarkam Azierbajdžana zarehistravaŭ 15 kandydataŭ u prezidenty, u tym liku dziejučaha kiraŭnika dziaržavy Ilchama Alijeva. Pravaabaroncy i zachodnija krainy krytykujuć jaho režym za pieraśled apazicyi, abmiežavańnie svabody słova, schodaŭ i inšyja parušeńni pravoŭ čałavieka i hramadzianskich svabodaŭ.
Prezidenckija vybary ŭ Azierbajdžanie pryznačanyja na 9 kastryčnika.
