30 žniŭnia adbudziecca pasiadžeńnie kalehii Ministerstva ŭnutranych spraŭ Biełarusi. Na paradku dnia — prafiłaktyka złačynnaści niepaŭnaletnich i pytańni ŭzajemadziejańnia padraździaleńniaŭ orhanaŭ unutranych spraŭ pry vyjaŭleńni (raskryćci) złačynstvaŭ.
Jak paviedamiła ŭpraŭleńnie infarmacyi i hramadskich suviaziaŭ MUS, uzrovień złačynnaści na 100 tys. nasielnictva va ŭzroście 14–18 hadoŭ źniziŭsia z 1.301 fakta ŭ 2003 hodzie da 866 u 2012 hodzie (heta značyć za apošnija 10 hadoŭ padletkavaja złačynnaść skaraciłasia na 33,4%).
U struktury złačynnaści niepaŭnaletnich pieravažajuć kradziažy. Adnak padletki ŭsio čaściej učyniajuć złačynstvy, jakija raniej učyniali tolki darosłyja. Siarod ich — niezakonnyja dziejańni ŭ dačynieńni da zbroi, narkotykaŭ, złačynstvy ŭ śfiery vysokich technałohij.
Hałoŭnaj pryčynaj kryminalnych pavodzinaŭ niepaŭnaletnich u MUS nazyvajuć niehatyŭnyja faktary ŭ siamiejnaj śfiery. Tolki ŭ hetym hodzie supracoŭnikami milicyi vyjaŭlena amal 8 tys. padletkaŭ, jakija znachodziacca ŭ niespryjalnych dla pražyvańnia i vychavańnia ŭmovach.
Usio bolš vostrymi stanoviacca prablemy, źviazanyja z ałkahalizacyjaj i narkatyzacyjaj maładziožnaha asiarodździa.Sioleta za parušeńnie antyałkaholnaha zakanadaŭstva vyjaŭlena amal 5 tys. niepaŭnaletnich, 3,5 tys. darosłych — za nabyćcio im ałkaholnych napojaŭ abo ŭciahvańnie va ŭžyvańnie, a taksama 809 pradaŭcoŭ — za realizacyju śpirtnoha padletkam. Akramia taho, niepaŭnaletnija ŭčynili siem złačynstvaŭ u stanie narkatyčnaha ŭzbudžeńnia, 47 — źviazanych ź niezakonnym abarotam narkotykaŭ. Pry hetym nazirajecca ŭstojlivaja tendencyja da amaładžeńnia spažyŭcoŭ śpirtnoha i narkotykaŭ.
MUS prapanoŭvaje praduhledzieć u zakonie «Ab pravach dziciaci» normu, jakaja zabaraniaje asobam va ŭzroście da 18 hadoŭ kuryć, užyvać ałkaholnyja, słabaałkaholnyja napoi abo piva, užyvać narkotyki, psichatropnyja rečyvy i anałahi, a taksama ŭ KoAP — adkaznaść baćkoŭ za takija dziejańni dziaciej.
Prapanoŭvajecca zamacavać na zakanadaŭčym uzroŭni praviadzieńnie abaviazkovaha testavańnia navučencaŭ ustanoŭ adukacyi na pradmiet užyvańnia ałkaholu i narkotykaŭ.
Pry abmierkavańni pytańnia ab uzajemadziejańni padraździaleńniaŭ orhanaŭ unutranych spraŭ pry vyjaŭleńni (raskryćci) złačynstvaŭ asnoŭny akcent budzie zrobleny na niedapuščeńnie farmalizmu, analizie pryčyn inšych niedachopaŭ pa nazvanym kirunku i pryniaćci mier dla ich ustaranieńnia.
Nie zastaniecca biez uvahi i tema ŭdaskanalvańnia mižviedamasnaha ŭzajemadziejańnia, u pryvatnaści sa Śledčym kamitetam i Dziaržaŭnym kamitetam sudovych ekśpiertyz.
