Stanisłaŭ Šuškievič vydaŭ u Vilni knihu miemuaraŭ «Majo žyćcio, krach i ŭvaskrošańnie SSSR» 4
Heta pierapracavany i dapoŭnieny biełaruskamoŭny varyjant letašniaha rasiejskamoŭnaha vydańnia.
«Majo žyćcio, krach i ŭvaskrošańnie SSSR» — pa-biełarusku vyjšła z druku ŭ Vilni kniha Stanisłava Šuškieviča. Heta pierapracavany i dapoŭnieny biełaruskamoŭny varyjant pieršaha rasiejskamoŭnaha vydańnia, jakoje źjaviłasia ŭ maskoŭskim vydaviectvie «RosPEn» u śniežni 2012 hoda.
Stanisłaŭ Šuškievič kaža, što adpačatku chacieŭ pisać svaje ŭspaminy pa-biełarusku i tut ich vydavać: «U Biełarusi nichto b jaje nie vydaŭ. Tut adzin vydaviec chacieŭ spačatku vydać, kali ŭ mianie byŭ jašče rukapis, ale praz dva dni jon skazaŭ, jak jamu rastłumačyli, što heta budzie apošniaja kniha, jakaja vyjdzie ŭ jaho vydaviectvie. Tamu ja vydaŭ hetuju knihu ŭ Vilni. Choć ja jaje sam nabraŭ — pieravažna heta była maja ŭłasnaja praca, navat viorstka. Paśla ŭžo ŭsio kryšku padpravili. Tamu značycca, što kniha tutejšaja — biełaruskaja, mienskaja».
Kniha pazicyjanujecca jak palityčnaja aŭtabijahrafija, spałučanaja z acenkaj i analizam značnych padziejaŭ, udzielnikam ci śviedkam jakich byŭ aŭtar.