Admoŭnaje salda zamiežnaha handlu tavarami vyrasła da $2,2 młrd 4

Za studzień-lipień 2013 hady salda źniešniaha handlu tavarami ŭ Biełarusi skłała minus 2 młrd. 159,5 młn. dalaraŭ. Za hety ž pieryjad minułaha hoda salda było stanoŭčym — 2 młrd. 86,1 młn. dalaraŭ. Takija danyja apublikavaŭ Nacyjanalny statystyčny kamitet. Za studzień-červień 2013 hoda ŭdakładnieny pakazčyk skłaŭ minus 1 młrd. 713 młn. dalaraŭ.

Za siem miesiacaŭ 2013 hoda ekspart biełaruskich tavaraŭ skaraciŭsia na 23,3% u paraŭnańni z anałahičnym pieryjadam 2012 hoda i skłaŭ 22 młrd. 528,9 młn. dalaraŭ.

Jak paviedamlaje Biełstat, impart za studzień-lipień hetaha hoda pamienšyŭsia na 9,5% i skłaŭ 24 młrd. 688,4 młn. dalaraŭ.

Deficyt źniešniaha handlu tavarami nazirajecca, u pryvatnaści, u handli z krainami SND, u tym liku z krainami Mytnaha sajuza i JEEP.

Z hetymi partniorami jon skłaŭ minus 1.277 młn. dalaraŭ i minus 3.239,4 młn. dalaraŭ adpaviedna.

Ekspart u krainy SND skaraciŭsia na 0,1% (da 13.333,1 młn. dalaraŭ) u paraŭnańni sa studzieniem-lipieniem 2012 hoda, impart — na 21,2% (da 14.610,1 młn.). Što datyčycca krain MS i JEEP, to tavaraabarot z Rasijaj pamienšyŭsia na 13% (da 22.858,3 młn. dalaraŭ), ekspart ža pavialičyŭsia na 5,7% (da 9.605,7 młn. dalaraŭ).

Stanoŭčym salda źniešniaha handlu tavarami zastajecca z Kazachstanam (407,5 młn. dalaraŭ) i krainami ES (774,6 młn. dalaraŭ). Letaś za anałahičny pieryjad salda ŭ handli ź ES składała plus 8.086,6 młn. dalaraŭ. Razam z tym tavaraabarot z Kazachstanam pamienšyŭsia na 8,2% (da 554,7 młn. dalaraŭ), ekspart i impart taksama stali mienš — na 4,6 i 31,7% adpaviedna.

Tavaraabarot z krainami ES skaraciŭsia na 28,9% (da 12.672,6 młn. dalaraŭ).

Ekspart pamienšyŭsia na 48,1% (da 6.723,6 młn.), impart — vyras na 22,3% (da 5.949 młn. dalaraŭ).

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH