Urad Biełarusi ŭnios źmianieńni ŭ paradak pradastaŭleńnia ziamli inviestaram i zaklučeńnia ź imi adpaviednych damovaŭ. Ciapier za raźmierkavańniem ziamli budzie pryhladać KDB.
Pastanovaj Savieta ministraŭ № 774 uniesieny źmianieńni ŭ pałažeńnie «Ab paradku zaklučeńnia, źmianieńnia, spynieńnia inviestycyjnych damovaŭ z Respublikaj Biełaruś», jakoje było pryniata ŭ 2011 hodzie.
Tak, raniej luby dziaržaŭny orhan abaviazany byŭ razhledzieć zajavu inviestara ab zaklučeńni inviestycyjnac damovy i pryniać rašeńnie na praciahu 30 dzion. Ciapier hety termin budzie dziejničać, tolki kali inviestar nie pretenduje na
pradastaŭleńnie jamu ziamielnaha ŭčastka dla budaŭnictva abjektaŭ, praduhledžanych u inviestycyjnym prajekcie. Kali ž ziamielny ŭčastak nieabchodny, termin razhladu zajavy inviestara pavialičvajecca da 60 dzion, ale nie raniej za 30 dzion.
Raniej, kali na peŭny ŭčastak ziamli pretendavała niekalki inviestaraŭ, dziaržaŭny orhan, a, dakładniej, jaho kiraŭnik pa svaim mierkavańni vyznačaŭ, kamu dać ziamlu i z kim zaklučyć adpaviednuju inviestycyjnuju damovu.
Zhodna z novymi praviłami, kali na adzin ziamielny ŭčastak pretenduje dva i bolš inviestaraŭ, źviazanych z realizacyjaj adpaviednych inviestycyjnych prajektaŭ, rašeńnie ab tym, kamu dać učastak i z kim zaklučyć dahavor budzie prymacca pa vynikach konkursu, jaki budzie pryznačać dziaržorhan.
Pradmiet konkursu, umovy i paradak jaho praviadzieńnia vyznačajucca dziaržaŭnym orhanam, vykanaŭčym kamitetam. Adnak pry hetym im ukazana jak abaviazak stvareńnie śpiecyjalnych kamisij, u jakija mohuć uvachodzić pradstaŭniki inšych dziaržaŭnych orhanaŭ, deputaty adpaviednych miascovych Savietaŭ deputataŭ, pradstaŭniki hramadskich abjadnańniaŭ, abjadnańniaŭ jurydyčnych asob i (abo) indyvidualnych pradprymalnikaŭ (asacyjacyj i sajuzaŭ).
Ale samaje hałoŭnaje — na praciahu adnaho dnia paśla pryniaćcia rašeńnia ab praviadzieńnia konkursu pamiž inviestarami dziaržaŭny orhan abaviazany budzie paviedamić pra heta Kamitetu dziaržaŭnaj biaśpieki.
Novy paradak pradastaŭleńnia ziamli inviestaram ustupiŭ u siłu z 1 vieraśnia 2013 hoda.
