Jak paviedamlaje «Hołas Amieryki», biełarusa abvinavačvajuć u arhanizacyi złačynnaj hrupoŭki, jakaja zajmałasia nielehalnym handlem zbrojaj. U jaje skład uvachodzili Jahor Jasin, Alaksandr Bielski, Vital Cišuk, Alaksandr Stašynski, Volha Duboŭskaja,
Ernest Čarnalecki, Džordž Caryk.
Taksama Bałtucki supracoŭničaŭ i z dvuma asobami, jakija žyvuć u Biełarusi. Pieršy — Raman Jasieŭ, druhi — dypłamatyčny kurjer, viadomy pad inicyjałami «A. S." i jaki «pracuje na ŭrad Biełarusi». Metaj zmovy, nibyta, byŭ prodaž i nielehalny vyvaz z terytoryi ZŠA ŭ Biełaruś vialikich partyj vysokatechnałahičnaha vajskovaha abstalavańnia, vyvaz jakoha za miažu zabaronieny.
Havorka idzie pra pryceły dla aŭtamatyčnych strelbaŭ, ciepłavizijnyja sistemy, pryłady načnoha bačańnia, paviedamlajecca ŭ miemarandumie amierykanskaha suda.
Za čas nielehalnaj dziejnaści Bałtucki i jaho hrupa kupili abstalavańnia bolš čym na 700 tysiač dołaraŭ. Adnak ličba niedakładnaja, tamu što za miažu z ZŠA była adpraŭlenaja značnaja kolkaść pasyłak, źmiest jakich nieviadomy.
Ź biełaruskim dypkurjeram kiraŭnik handlaroŭ zbrojaj rehularna
abmieńvaŭsia listami pa elektronnaj pošcie. U ich jany abmiarkoŭvali pakupki vajskovaha abstalavańnia. Dypkurjer vyvoziŭ jaho z
Siarhiej Bałtucki pryznaŭ siabie vinavatym. Jamu pahražaje da 135 miesiacaŭ źniavoleńnia.