Łžeminiravańnie škoł Maładziečna 5 vieraśnia było źviadzieńniem asabistych rachunkaŭ pamiž dvuma ludźmi, paviedamiŭ siońnia žurnalistam ministr unutranych spraŭ Biełarusi Ihar Šunievič.
«Matyvam ździajśnieńnia hetaha złačynstva byli niepryjaznyja adnosiny pamiž miascovym žycharom i jašče adnym čałaviekam», — skazaŭ kiraŭnik milicejskaha viedamstva.
Ministr rastłumačyŭ, što takim čynam pa hetaj spravie zastaŭsia adzin padazravany — dastatkova małady, ale ŭžo paŭnaletni čałaviek [30 hadovy rabočy budaŭničaj firmy].
«U ździajśnieńni złačynstva jon užo pryznaŭsia «, — dadaŭ Ihar Šunievič.
Padazravany chacieŭ, kab pravaachoŭniki zatrymali jaho voraha, jaki i panios by pakarańnie. Mienavita ad imia voraha i skiravany paviedamleńni ab miniravańni.
U dačynieńni da fihuranta spravy pravodziacca nieadkładnyja śledčyja dziejańni, źbirajucca dokazy viny. Z adnaho boku, hety čałaviek destabilizavaŭ navučalny praces u cełym horadzie.
Adnak ža surjoznaj hramadskaj niebiaśpieki nie było. «Vybuchovych pryładaŭ nie było. Heta była fikcyja», — adznačyŭ ministr.
Ihar Šunievič padkreśliŭ, što złačynstva było raskryta dziakujučy sumiesnym dziejańniam niekalkich viedamstvaŭ: «My pracavali sumiesna: orhany ŭnutranych spraŭ, Śledčy kamitet, Dziaržkamitet sudovych ekśpiertyz i prakuratura». Taksama ŭ raskryćci złačynstva ŭdzielničali supracoŭniki KDB.
Jak paviedamlałasia, ranicaj 5 vieraśnia ŭ dźvie škoły Maładziečna pryjšli pa pošcie listy, u jakich utrymlivalisia pahrozy padarvać navučalnyja ŭstanovy, kali na ŭkazany rachunak nie buduć pieraličanyja $ 10 tys. Paźniej takija ž kanvierty pryjšli jašče ŭ vosiem škoł horada. Była praviedzienaja evakuacyja školnikaŭ
