«Jak možna kamientavać takija paviedamleńni? Vy nasamreč vierycie, što interniet-resurs, jaki raspaŭsiudziŭ hetu infarmacyju, maje nadziejnyja krynicy ŭ Nacbanku?! Ja nie zhadaju nivodnaha vypadku, kab jany paviedamili nadziejnuju infarmacyju z Nacbanka.
Takaja infarmacyja nie zasłuhoŭvaje navat kamientaroŭ.
Kamientaroŭ zasłuhoŭvaje infarmacyja, jakaja pachodzić z bolš-mienš nadziejnych krynic. Kali hetaja infarmacyja pachodzić ź niečych fantazij, to što tut možna kamientavać?» — skazaŭ pres-sakratar Nacbanka Alaksandr Cimašenka.
Z spasyłkaj na krynicu ŭ Nacbanku sajt belaruspartisan.org paviedamiŭ, što ŭžo pryniataje rašeńnie pra devalvacyju biełaruskaha rubla. Nibyta vyznačany i čas (kaniec vieraśnia — pieršaja pałova kastryčnika), a ŭ Nacbanku abmiarkoŭvajuć mahčymaść padzieńnia rubla na 20–30%. Kančatkovaje rašeńnie budzie pryniataje paśla atrymańnia čarhovaha tranšu kredytu JeŭrAzES.
Kiraŭnik Biełarusi Alaksandr Łukašenka 6 vieraśnia zajaviŭ, što biełaruski rubiel pad pramysłovaść devalvavacca nie budzie, a budzie «ŭmacoŭvacca abo asłablacca ŭ zaležnaści ad popytu i prapanovy». Jon adznačyŭ, što ciapier biełaruski rubiel krychu asłabieŭ, bo vyras popyt na valutu. Pavodle Łukašenki, nijakaj štučnaj devalvacyi nie budzie.