Abjadnanaja hramadzianskaja partyja pačynaje kampaniju «Pajšli na…" suprać uviadzieńnia pošliny na vyjezd za miažu, paviedamiŭ BiełaPAN staršynia AHP Anatol Labiedźka.
«Sutnaść našaj kampanii — padymać hramadskaje mierkavańnie suprać hetaj inicyjatyvy. Miarkujem, što heta prosta šyzafreničnaja ideja i na jaje treba reahavać usimi dastupnymi i mahčymymi dziejańniami, — skazaŭ Labiedźka. — Mabilizavać hramadskuju dumku — heta hałoŭnaja meta i zadača, a miechanizm i instrumienty buduć samyja roznyja».
Pavodle jaho słoŭ, praca ŭ miežach kampanii pačniecca ŭžo z zaŭtrašniaha dnia.
«Heta budzie i zajava palitsavieta AHP, i niejkija fłešmoby, i zajaŭki na praviadzieńnie pikietaŭ va ŭsich rehijonach Biełarusi, i ŭlotki, — skazaŭ Labiedźka. — Pakul hetyja šyzafreničnyja idei jašče zakanadaŭča nie aformili, treba heta vykarystać. Šancaŭ niašmat, ale, prynamsi, jość mahčymaść pryciahnuć uvahu i mabilizavać hramadskuju dumku suprać hetaha».
