Biełaruś padała zajaŭku na praviadzieńnie matčaŭ Jeŭra-2020

Asacyjacyja «Biełaruskaja fiederacyja futboła» padała ŭ UEFA aficyjnuju zajaŭku na ŭdzieł u praviadzieńni matčaŭ finalnaha etapa čempijanatu Jeŭropy-2020 u Minsku.

Z ulikam pryniatych Minharvykankamam rašeńniaŭ, u zajaŭku ŭklučany novy Nacyjanalny futbolny stadyjon na 33 tys. hledačoŭ, jaki, jak miarkujecca, budzie pabudavany na miescy ciapierašniaha stadyjona «Traktar».

ABFF raźličvaje na praviadzieńnie ŭ Minsku čatyroch matčaŭ kantynientalnaha pieršynstva-2020: try na hrupavoj stadyi i adzin pajadynak 1/8 finału.

Da 20 vieraśnia UEFA razhledzić usie zajaŭki i abvieścić, chto budzie dapuščany da dalejšaha konkursu. Kali Biełaruś atrymaje prava praciahnuć baraćbu za ŭdzieł u Jeŭra-2020, to ABFF padrychtuje abjomny pakiet dakumientaŭ dla UEFA.

Śpis 13 haradoŭ, jakija prymuć matčy kantynientalnaha pieršynstva 2020 hoda, UEFA abvieścić ŭ vieraśni 2014 hoda.

U finalnaj stadyi čempijanatu Jeŭropy 2020 h. prymuć udzieł 24 kamandy.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH