Arhkamitet pa stvareńni partyi «Biełaruskaja chryścijanskaja demakratyja» (BCHD) zaklikaje abjavić 17 vieraśnia žałobnym dniom.
BCHD nahadvaje: «17 vieraśnia 1939 hoda, damoviŭšysia z nacysckaj Hiermanijaj, balšavickija vojski ŭvajšli na terytoryju Zachodniaj Biełarusi. Uschodniaja i Zachodniaja Biełaruś abjadnalisia ŭ hety dzień, ale abjadnalisia ŭ kryvi».
«My pavinny pamiatać hetuju datu pierš za ŭsio jak datu smutku, jak datu pašyreńnia złačynnaj kamunistyčnaj ideałohii na ŭsiu terytoryju našaj krainy,
vynikam čaho staŭ bol i smutak dla ŭsiaho biełaruskaha naroda», — havorycca ŭ zajavie arhkamiteta BCHD.
Pamiatnuju datu chryścijanskija demakraty ŭšanavali sumiesnaj tałakoj va ŭročyščy Kurapaty. Było prybrana śmiećcie na terytoryi miemaryjała, ustanoŭleny bolš za 20 kryžoŭ — na miescy tych, što razburylisia.
Sustaršynia arhkamiteta BCHD Vital Rymašeŭski zaznačyŭ, što nie płanuje nakiroŭvać adpaviedny aficyjny zvarot u dziaržaŭnyja orhany: «Heta absalutna biessensoŭna, bo siońniašniaja ŭłada ŭ Biełarusi faktyčna zachaplajecca kryvavym katam Stalinym. Pry ciapierašniaj uładzie heta zroblena nie budzie».
