Z 18 da 21 vieraśnia ŭ futbolnym maniežy ŭ Minsku adkryłasia śpiecyjalizavanaja vystava «Mebla». Siarod udzielnikaŭ — bujnyja biełaruskija i zamiežnyja vytvorcy, drobnyja kamiercyjnyja kampanii i… stend Departamienta vykanańnia pakarańniaŭ.
Vystava sabrała pad adnym dacham bolš za 150 arhanizacyj. Zamiežnych kampanij tut krychu bolš za dziesiatak, siarod ich Helios (Słavienija), Hesse GmbH & Co KG (Hiermanija), Julius Blum GmbH (Aŭstryja), Optimata (Litva).
Samuju tannuju meblu na vystavie pradstaŭlaje paviljon Departamienta vykanańnia pakarańniaŭ MUS Biełarusi.
Łaŭka dla zakachanych z papraŭčaj kałonii № 14 — za 1 200 000 rubloŭ, zedlik ź Ivacevičaŭ — za 130 tysiač, kanapa ad vaŭkavyskich źniavolenych — za 6 miljonaŭ. Łožak za 622 000.
Zaŭtra vystava jašče budzie pracavać — z 10-j da 13 hadziny. Uvachod volny.
