17.18
«Vučeńni prachodziać va ŭmovach, maksimalna nabližanych da realnych. Mietro heta dakazała», — paviedamlaje pres-słužba MUS.
17.15
U Minskim mietrapalitenie prachodziać vučeńni, pra heta paviedamiła pres-słužba ministerstva pa nadzvyčajnych situacyjach Biełarusi. «U mietro prachodziać vučeńni», — pieršymi z pres-słužbaŭ napisali ŭ MNS.
16.55
Stancyja Jakuba Kołasa znoŭ adkryta dla vysadki j pasadki.
16.18
Stancyja mietro Płošča Jakuba Kołasa zakryta dla pasadki i vysadki. Imavierna, u horadzie adbyvajucca antyterarystyčnyja vučeńni.
Kala Fiłarmonii, nad uvachodam u stancyju, staić pažarnaja mašyna.
Karespandentu «Našaj Nivy» paviedamili, što, byccam by, «adbyłasia avaryja aciaplalnaj sistemy».
Adnačasova milicyjanty viaduć tatalnuju pravierku bahažu va ŭsich pasažyraŭ na inšych stancyjach mietro.
Hetaja pakul niezrazumiełaja apieracyja ŭ Minsku supała z pačatkam druhoha etapa vučeńniaŭ «Zachad-2013», na jakich adpracoŭvajecca supraćdziejańnie ŭmiašańniu z-za miažy jak vyniku paŭstańnia ŭnutry krainy.
Śpiecnazaŭcy, jakija achoŭvajuć uvachod na stancyju, paviedamili karespandentu NN, što stancyja adčynicca praz hadzinu.
