Na kapitalnym ramoncie žyłoha fondu krainy ekanomić nielha, zajaviŭ premjer-ministr Biełarusi Michaił Miaśnikovič na praviedzienym u paniadziełak na pasiadžeńni Prezidyuma Saŭmina.
Premjer-ministr adznačyŭ, što ŭrad Biełarusi vykazvaje zaniepakojenaść niedastatkova adkaznymi adnosinami z boku Minharvykankama, abłvykankamaŭ, haradskich i rajonnych vykanaŭčych kamitetaŭ pa zachavanaści i ramontu žyłoha fondu.
«Na kapitalny ramont, rekanstrukcyju, madernizacyju žylla možna było b zatračvać mienš, kali b naležnym čynam ažyćciaŭlalisia ramontnyja raboty jak pa biahučym utrymańni, tak i pa kapramoncie. Niezavieršany ramont — heta vielmi drennaja tendencyja, na hetym ekanomić nielha, bo potym davodzicca tracić bolš», — padkreśliŭ kiraŭnik urada.
Jak paviedamiŭ ministr žyllova-kamunalnaj haspadarki Biełarusi Andrej Šorac, u adpaviednaści z prahramaj raźvićcia ŽKH Biełarusi da 2015 hoda sioleta pavinny być zabiaśpiečany ŭvod 2 młn.kv.m ahulnaj płoščy žylla paśla kapitalnaha ramontu i ciepłavoj madernizacyi i vychad da 2016 hoda na štohadovy abjom 3 młn.kv.m. Razam z tym za studzień-žnivień hetaha hoda ŭ cełym pa krainie ŭviedziena ŭ ekspłuatacyju paśla kapramontu i ciepłavoj madernizacyi 587,6 tys.kv.m, što składaje 30% ad hadavoha zadańnia i 68% da zadańnia na dzieviać miesiacaŭ. Na vykanańnie hetych vidaŭ rabot za studzień-žnivień nakiravana Br1,208 trłn., ź jakich 66% — biudžetnyja srodki.
Dla vyrašeńnia prablemnych pytańniaŭ arhanizacyi i praviadzieńnia kapramontu žyłfondu, vyjaŭleńnia i pryniaćcia mier pa abjektach-daŭhabudach stvorana i zaćvierdžana namieśnikam premjer-ministra Anatolem Kalininym adpaviednaja mižviedamasnaja kamisija.
Joju byŭ praviedzieny paabjektny analiz prahram kapitalnaha ramontu abłaściej i Minska. «Analiz vykanańnia zadańniaŭ śviedčyć, što adnoj z asnoŭnych pryčyn nizkich tempaŭ uvodu žylla źjaŭlajecca niezachavańnie narmatyŭnych terminaŭ kapitalnaha ramontu. Z 656 žyłych damoŭ, uklučanych u śpisy na 2013 hod, parušeńnie narmatyŭnych terminaŭ na 1 žniŭnia było pa 165 žyłych damach, što składała bolš jak 25 pracentaŭ ad ahulnaj kolkaści abjektaŭ, uvodzimych u hetym hodzie. Za paŭtara miesiaca hetaha hoda pryniaty miery i zavieršana rabota na 43 abjektach.
Takim čynam, pa stanu na 1 vieraśnia isnujuć 122 prablemnyja abjekty, abo 19% ad ich ahulnaj kolkaści», — adznačyŭ Andrej Šorac. Takija žyłyja damy vyviedzieny ŭ asobnyja śpisy z paznačeńniem terminaŭ zaviaršeńnia rabot, vyznačany adkaznyja słužbovyja asoby za vykanańnie terminaŭ. «Adnak pa zapeŭnivańniach namieśnikaŭ staršyń abłvykankamaŭ i Minharvykankama ŭsie prablemnyja žyłyja damy buduć uviedzieny paśla kapramontu da 31 śniežnia», — dadaŭ ministr.
Kiraŭnik viedamstva prainfarmavaŭ, što praviedziena rabota pa vyvadzie biahučaha ramontu z zatrat, jakija adnosiacca na techničnaje absłuhoŭvańnie.
Hetyja pryniatyja miery dajuć mahčymaść kantralavać i kiravać arhanizacyjaj techničnaha absłuhoŭvańnia žyllovaha fondu, stvarajuć pieradumovy dla ŭkaranieńnia padamavoha ŭliku zatrat.
Taksama dla ŭdaskanaleńnia zakanadaŭstva ŭ śfiery kiravańnia ahulnaj majomaściu sumiesnaha domaŭładańnia Minžyłkamhasam byli padrychtavany źmianieńni i dapaŭnieńni va ŭkaz ad 14 kastryčnika 2010 hoda № 538 «Ab niekatorych pytańniach dziejnaści tavarystvaŭ ułaśnikaŭ i arhanizacyj zabudoŭščykaŭ», jakija znachodziacca na razhladzie ŭ Administracyi kiraŭnika dziaržavy.
Michaił Miaśnikovič u svaju čarhu daručyŭ z 2015 hoda ažyćciaŭlać kapitalny ramont žyłych damoŭ tolki ź ich madernizacyjaj i ciepłavoj reabilitacyjaj.
«Vialikija ciepłavyja straty ŭ žylli, asabliva ŭ tym, jakoje pabudavana 20–30 hadoŭ tamu. Taksama pry kapramoncie pavinna pravodzicca adpaviednaja madernizacyja, heta značyć ramont mansardnych nadbudoŭ, prybudoŭ, inžyniernaha abstalavańnia, a hałoŭnaje — uvod uliku ciepłavoj enierhii. Siońnia pry haryzantalnaj sistemie aciapleńnia kožny moža pastavić ličylnik u šmatkvaternym žyłym domie i raźličvacca z arhanizacyjaj za faktyčna spažyty abjom ciapła», — padkreśliŭ jon.
Taksama kiraŭnik biełaruskaha ŭrada daručyŭ padrychtavać nieabchodnyja narmatyŭnyja pravavyja akty, jakija rehłamientujuć pytańni kapramontu, aktyvizavać u krainie ažyćciaŭleńnie kapitalnaha ramontu, kab vykanać zadańnie, ustanoŭlenaje na 2011–2015 hady, a taksama pravodzić rabotu pa stvareńni tavarystvaŭ ułaśnikaŭ.
Na pasiadžeńni Prezidyuma Savieta Ministraŭ abmiarkoŭvałasia i vykanańnie ŭkaza Prezidenta ad 4 lipienia 2012 hoda № 294 «Ab paradku rasparadžeńnia dziaržaŭnaj majomaściu». Staršynia Dziaržkammajomaści Hieorhij Kuźniacoŭ paviedamiŭ, što ŭ adpaviednaści z rasparadžeńniem premjer-ministra byli stvorany rabočyja hrupy, jakimi vyjaŭleny 276 nievykarystoŭvajemych abjektaŭ nieruchomaj majomaści ahulnaj płoščaj 133 476 kv.m. U suviazi z hetym vyrašana da 31 śniežnia biahučaha hoda pryniać miery pa ŭklučeńniu hetych nievykarystoŭvajemych abjektaŭ nieruchomaj majomaści, zamacavanych za respublikanskimi i kamunalnymi jurydyčnymi asobami, u haspadarčy abarot.
