Vizit maje adbycca 3-4 kastryčnika, paviedamlaje sajt prezidenta Kazachstana.
Na pieramovach Nazarbajeva i Łukašenki buduć zakranutyja pytańni pahłybleńnia dvuchbakovaha supracoŭnictva ŭ handlova-ekanamičnaj i industryjalna-inavacyjnaj śfierach, a taksama pramysłovaj kaapieracyi ŭ APK.
Budzie abmierkavany chod raźvićcia intehracyjnych pracesaŭ na postsavieckaj prastory, u pieršuju čarhu, u ramkach Mytnaha sajuza i Adzinaj ekanamičnaj prastory.
Pres-słužba prezidenta Kazachstana padkreślivaje, što majučy adbycca vizit kiraŭnika Biełarusi zaklikany
zamacavać i nadać novy impuls supracoŭnictvu dziaržavaŭ u dvuchbakovym i šmatbakovym farmatach, a taksama daść mahčymaść ažyćciavić «źvierku hadzińnikaŭ» pa aktualnych mižnarodnych prablemach.
Darečy, siońnia ŭ Kazachstan z aficyjnym vizitam prybyvaje staršynia ŭrada Ispanii Maryjana Rachoj.
Što da Łukašenki, to minuły raz jon naviedvaŭ Kazachstan u kancy maja 2013 h., kali braŭ udzieł u pasiadžeńni Vyšejšaha Jeŭrazijskaha ekanamičnaha savieta.
Kazachstan dla biełaruskaha kiraŭnika źjaŭlajecca druhoj krainaj, paśla Rasii, jakuju jon naviedvaje čaściej za inšyja. Z 2004 h. jon zrabiŭ tudy 11 pajezdak.