Navukoŭcy ŭ Paŭdniovaj Karei pieršymi ŭ śviecie stvaryli hienietyčna madyfikavanyja bakteryi, jakija zdolnyja vyrablać bienzin.
Zhodna z vynikami daśledavańniaŭ, jakija apublikavanyja ŭ elektronnaj viersii mižnarodnaha navukovaha časopisa Nature, novyja bakteryi pahłynajuć hlukozu i vydzialajuć bienzin. Z adnaho litra rastvora, jaki źmiaščaje takija bakteryi, atrymana 580 milihramaŭ paliva, jakoje ŭsio ž trochi adroźnivajecca ad zvyčajnaha bienzinu. Tym nie mienš, jano moža taksama šyroka ŭžyvacca, adznačajuć u ministerstvie navuki, infarmacyjna-kamunikacyjnych technałohij i navukovaha prahnazavańnia krainy.
Pa słovach kiraŭnika navukovaj hrupy prafiesara Li San Oba, pakul vytvorčaja efiektyŭnaść novaha mietadu davoli nizkaja, adnak navukoŭcy praciahnuć daśledavańni z metaj pošuku šlachoŭ pavyšeńnia efiektyŭnaści.
Technałohiju atrymańnia paliva z dapamohaj bakteryj raspracavali amierykanskija śpiecyjalisty ŭ 2010 hodzie. Takim čynam navukoŭcy stvaryli tolki bijadyzielnaje paliva ci nasyčany vuhlevadarod (Ałka), jaki ŭvachodzić u skład nafty i pryrodnaha hazu.
Siońnia bienzin atrymlivajuć šlacham rektyfikacyi i adboru frakcyj nafty, što vykipaje ŭ peŭnych tempieraturnych pramiežkach.
