Kryminalny pieraśled u dačynieńni da žychara Ščučynskaha rajona Hrodzienskaj vobłaści Alaksieja Ščadrova, jaki arhanizavaŭ prytułak dla biazdomnych, spynieny. Pra heta paviedamlajecca na pravaabarončym sajcie spring96.org.
Pavodle infarmacyi pravaabaroncaŭ, rašeńnie ab hetym było pryniata jašče 11 vieraśnia, adnak samomu fihurantu było paviedamlena pra heta tolki praz dva tydni.
Nahadajem, Alaksiej Ščadroŭ stvaryŭ u svaim domie ŭ vioscy Alaksandraŭka prytułak dla abiazdolenych ludziej, paśla čaho ŭ dačynieńni da jaho była raspačata sprava pavodle artykuła 193.1 Kryminalnaha kodeksa (dziejnaść ad imia niezarehistravanaj arhanizacyi), na padstavie jakoha jamu pahražała da dvuch hadoŭ pazbaŭleńnia voli.
Zhodna z pastanovaj načalnika adździeła achovy pravaparadku i prafiłaktyki Ščučynskaha RAUS Siarhieja Asavika, Ščadroŭ «arhanizavaŭ dziejnaść niezarehistravanaj relihijnaj arhanizacyi i zabiaśpiečyŭ umovy dla jaje funkcyjanavańnia biez rehistracyi va ŭstanoŭlenym zakonam paradku».
Historyju pra Alaksieja Ščadrova čytajcie tut.
