Rasisckaja arhanizacyja Ku-kłuks-kłan (KKK), dziejnaść jakoj nieadnarazova spyniałasia ŭ Złučanych Štatach, atrymała prava na praviadzieńnie pratestnaj akcyi. Jana budzie nakiravana suprać prezidenta krainy Baraka Abamy i nielehalnych imihrantaŭ, jakija žyvuć u ZŠA.
«Abamu nikoli nie ŭdavałasia dakazać, što jon naradziŭsia ŭ ZŠA i źjaŭlajecca hramadzianinam, jaki moža być našym prezidentam.
Miežy krainy pavinny začynicca, a ŭrad — zasiarodzicca na vydvareńni nielehalnych imihrantaŭ. ZŠA pavinny pierastać vykonvać rolu «suśvietnaha žandara», bo nie zdolnyja navieści paradak na ŭłasnym dvare», — skazaŭ pradstaŭnik KKK Ryčard Prestan.
Akcyja adbudziecca ŭ hetuju subotu, 5 kastryčnika, u pradmieści horada Hietyśbierh, štat Piensilvanija.
Tut u lipieni 1863 h. adbyłasia vyrašalnaja krovapralitnaja bitva Hramadzianskaj vajny ŭ ZŠA za admienu rabstva, i tam Aŭraam Linkaln skazaŭ svaju znakamituju pramou.
Arhanizatary prahnazujuć, što ŭdzieł u prateście prymuć «sotni, a to i tysiačy» prychilnikaŭ Ku-kłuks-kłana.
Zhodu na praviadzieńnie skandalnaha zboryšča rasisty atrymali ad kiraŭnika Nacyjanalnaha vajennaha parkam Hietyśbierha.
Svajo rašeńnie jon arhumientavaŭ kanstytucyjnym pravam hramadzian ZŠA, uklučajučy členaŭ KKK, na svabodu słova i schodaŭ.
