Rabavańnie adbyłosia jašče 19 vieraśnia, ale viadoma pra jaho stała tolki ciapier, kali milicyi ŭdałosia zatrymać bandu nalotčykaŭ.
Pavodle mienskaj milicyi, rabaŭniki pradstavilisia rabotnikami ŽES i ŭvajšli ŭ kvateru Alaksandra Šakucina pa vulicy Kuźmy Čornaha. Paśla hetaha adzin z rabaŭnikoŭ dastaŭ pistalet.
Jany źviazali ŭsich, chto znachodziŭsia ŭ kvatery, paśla čaho vynieśli ź jaje 7 tysiač dalaraŭ, 800 indyjskich rupij i juvielirnyja vyraby (piarścionki z dyjamientami, załatyja zašpiłki i srebnyja ŭpryhažeńni). ŽESaŭskuju ŭniformu jany vykinuli ŭ lesie, a taksama ŭ śmiećcievym kantejniery adnoj ź viosak Minskaha rajona.
Jak vyjaviłasia, razbojny napad učynili troje 28-hadovych minčukoŭ, dvoje ź jakich nidzie nie pracavali. U dačynieńni da ich zaviedzienaja kryminalnaja sprava.
28- hadovy Alaksandr Šakucin — syn viadomaha ŭ Biełarusi multymiljaniera Alaksandra Šakucina, jaki zajmaje 2-je miesca ŭ Top-200 upłyvovych biznesoŭcaŭ Biełarusi. Syn uznačalvaje pradziusarskaje ahienctva TAA «Spamaš-hrup», jakoje ŭvachodzić u hrupu kampanij baćki.
