Church.by
Tak, 30 kastryčnika, u prychodzie ikony Božaj Maci «Usich tužlivych Radaść» u Minsku budzie ździejśniena čytańnie akafista pierad ikonaj Śviatoj Baharodzicy «Pierad Rastvom i pa Rastvie Dzieva» — śviatyniaj, vielmi šanavanaj staličnym Kłubam pravasłaŭnych milicyjanieraŭ.
Pra heta paviedamlaje sajt Biełaruskaj pravasłaŭnaj carkvy.
Na sumiesnuju malitvu zaprašajucca ŭsie žadajučyja. Pačatak u 19:00.
2 listapada płanujecca pravieści adkryty schod Kłuba pravasłaŭnych milicyjanieraŭ.
Abjadnańnie pravasłaŭnych milicyjanieraŭ vyrasła z hrupy vałancioraŭ sacyjalnaha adździeła Minskaj jeparchii. Siabry klubu jeździać pa dziciačych damach i damach sastarełych, kudy pryvoziać spartyŭny invientar, adzieńnie, cacki i prysmaki. Jany taksama zajmajucca duchoŭna-aśvietnickaj pracaj siarod kalehaŭ.
Abjadnańnie stvorana ŭ ramkach prahramy supracoŭnictva MUS i BPC, padpisanaj kala 10 hadoŭ tamu.
Staršynia kłuba Siarhiej Jerachaviec paviedamiŭ karespandentu Svabody, što ŭ kłubie ciapier 15 milicyjanieraŭ z roznych haradoŭ i słužbaŭ.
«Jany najpierš źjaŭlajucca pravasłaŭnymi chryścijanami. Niekatoryja słužać panamarami ci zavočna vučacca ŭ duchoŭnaj sieminaryi. Naš pieršy kirunak pracy — nieści słova Božaje ŭ našy šerahi, bo duchoŭnaść tam pakidaje žadać lepšaha. Naš łozunh — viera biez spravy miortvaja»,— skazaŭ Siarhiej Jerachaviec.