9 kastryčnika pry atrymańni chabaru ŭ asabliva bujnym pamiery na miescy złačynstva byŭ zatrymany hienieralny dyrektar AAT «ManalitHrad».
Jak paviedamiła ŭpraŭleńnie infarmacyi i hramadskich suviaziaŭ MUS Biełarusi, «spynieńnie supraćpraŭnaj dziejnaści słužbovaj asoby stała vynikam sumiesnych apieratyŭna-vyšukovych mierapryjemstvaŭ HUBAZiK MUS Respubliki Biełaruś i UBEZ HUUS Minharvykankama».
Supracoŭnikami ŭkazanych padraździaleńniaŭ na praciahu apošnich troch hadoŭ pravodziłasia pravierka faktaŭ złoŭžyvańnia słužbovymi paŭnamoctvami, vymahańnie i atrymańnie chabaru kiraŭnictvam AAT «ManalitHrad».
AAT «ManalitHrad» — budaŭničaje pradpryjemstva, akcyi jakoha naležać Ministerstvu architektury i budaŭnictva.
Vyśvietliłasia, što padazravany vymahaŭ u pradstaŭnika kamiercyjnaj arhanizacyi 125 młn. rubloŭ za svoječasovaść płaciažoŭ pa vynikach vykanańnia subpadradnych rabot u domie-novabudoŭli ŽBPK «Maładość Minščyny» (pasiołak Jubilejny Minskaha rajona). Padčas atrymańnia 95 młn. z patrabavanaj sumy jon i byŭ zatrymany.
Dom ŽBPK «Maładość Minščyny» ŭvachodzić u lik prablemnych damoŭ i staić na kantroli ŭ rabočaj hrupy, stvoranaj pa daručeńni kiraŭnika dziaržavy dla vyvučeńnia prablemnych pytańniaŭ budaŭničaj haliny.
HUBAZiK MUS sumiesna z UBEZ HUUS Minharvykankama zadakumientavany anałahičnyja fakty chabarnictva sioleta. U pryvatnaści, hienieralny dyrektar AAT atrymlivaŭ chabar ad taho ž pradstaŭnika kamiercyjnaj struktury ŭ sakaviku, lipieni i vieraśni na ahulnuju sumu prykładna 60 młn. rubloŭ. Hrošy pryznačalisia za vyrašeńnie pytańniaŭ pa zaklučeńni dahavora na budaŭničyja raboty na ŭkazanym abjekcie i bieznajaŭnaj apłacie za nibyta ich vykanańnie.
Ciapier pa hetych materyjałach Hałoŭnaje śledčaje ŭpraŭleńnie SK Biełarusi raspačało kryminalnuju spravu na padstavie č.3 art. 430 KK (atrymańnie chabaru ŭ asabliva bujnym pamiery asobaj, jakaja zajmaje adkaznaje stanovišča). Padazrony zatrymany, ź im pravodziacca nieabchodnyja śledčyja dziejańni.
