fcbate.by
Novym hałoŭnym trenieram FK BATE paśla sychodu Viktara Hančarenki budzie Alaksandr Jermakovič, paviedamlaje sajt barysaŭskaha kłuba.
A.Jermakovič naradziŭsia 21 studzienia 1975 h. u Łunincy. Vychavaniec łuninieckaj DIUSŠ i minskaha RVAR. U 1993—1997 h. hulaŭ za minskuju «Ataku-Aŭru», u 1997—2008 hh. hulaŭ za BATE, ź jakim stanaviŭsia piacirazovym čempijonam krainy (1999, 2002, 2006, 2007, 2008).
Z 2009 h. — na trenierskaj pracy, byŭ asistentam Viktara Hančarenki, z 2011 h. - staršy trenier.
Staršynia FK BATE Anatol Kapski ŭ intervju sajtu kłuba zaznačyŭ, što Viktar Hančarenka chacieŭ, kab Jermakovič źjechaŭ ź im [u FK «Kubań»],
ale, «uličvajučy, kolki hadoŭ my razam, kolki my prajšli, my prapanavali Alaksandru Uładzimiraviču stać hałoŭnym trenieram. Jon nie vybiraŭ finansavyja ŭmovy, bo ŭ rasijskaj premjer-lizie, napeŭna, moh by zarabić bolš. Ale jon vyrašyŭ zastacca ŭ našym kłubie».
Da hulni z «Homielem» Jermakovič budzie rychtavać kamandu sumiesna z Alaksandram Lisoŭskim, Alaksiejem Baham, Alaksandram Fiedarovičam.