Bietonnyja raboty na budaŭnictvie biełaruskaj AES u Astraŭcy (Hrodzienskaja vobłaść) płanujecca pačać 5 listapada.
Ab hetym paviedamiŭ 18 kastryčnika, vystupajučy pierad členami savieta respubliki, staršynia Astravieckaha rajvykankama Adam Kavalko.
Pavodle jaho infarmacyi, pačatku bietanavańnia budzie papiaredničać adpaviedny ŭkaz prezidenta, jaki, jak čakajecca, budzie padpisany 28 kastryčnika.
Padrychtoŭčyja raboty na pieršym i druhim reaktary zavieršany amal na 100%.
Ciapier na abjekcie pracuje kala 1.600 budaŭnikoŭ. Da kanca hoda ich kolkaść nieabchodna pavialičyć da 3.000, paviedamiŭ Kavalko.
Jon taksama raskazaŭ, što na stvareńnie budaŭničaj bazy dla ŭźviadzieńnia AES zatračana 77 młrd. rubloŭ, na heta zapatrabavałasia 11 miesiacaŭ. Za hod pabudavana 33 km čyhunki i 24 km padjaznoj aŭtamabilnaj darohi.
U Astraŭcy budujucca mikrarajony № 1 i № 2, pieršy — na 3,5 tysiačy žycharoŭ, druhi — na 5 tysiač žycharoŭ. Jany raźmiaščajucca adpaviedna na 17 ha i 28 ha.
U 2012 hodzie, pavodle infarmacyi Kavalko, na budaŭnictvie abjektaŭ AES było asvojena 1 trłn. 700 młrd. rubloŭ. U 2013 hodzie budzie zatračana kala 3 trłn. rubloŭ. U 2014 hodzie hetaja ličba ŭzraście ŭ 3-3,5 razu.
