Ruch za Svabodu, kampanija «Havary praŭdu» i Partyja BNF praciahvajuć inicyjatyvu «Narodny refierendum». Kožnaja z arhanizacyj skłała svaje prapanovy pytańniaŭ dla vyniasieńnia na ahulnanacyjanalnaje abmierkavańnie. Try arhanizacyi majuć namier zładzić zbor podpisaŭ za refierendum pa peŭnym kole pytańniaŭ.
Ruch »Za Svabodu» skłaŭ svoj śpis prapanovaŭ, jak paviedamlaje pres-słužba arhanizacyi, «na asnovie sustreč z nasielnictvam i ankietavańnia siabraŭ arhanizacyi».
Ahučany šeść samych rejtynhavych pytańniaŭ.
1. Ci zhodnyja Vy z tym, što kiraŭniki vykanaŭčaj ułady (mery haradoŭ, staršyni har- i abłvykankamaŭ) pavinny naŭprost abiracca hramadzianami Biełarusi, što žyvuć na adpaviednych terytoryjach?
2. Ci zhodnyja Vy z tym, što adna asoba nie moža być prezidentam Biełarusi bolš za dva terminy?
3. Ci zhodnyja Vy z tym, što važnyja rašeńni ŭ žyćci krainy (ad pryvatyzacyi bujnych pradpryjemstvaŭ i budaŭnictva AES da ŭdziełu ŭ palityčnych ci vajenna-palityčnych sajuzach) pavinny prymacca na miascovych ci ŭsiebiełaruskich refierendumach?
4. Ci zhodnyja Vy z tym, što Biełaruś pavinna ŭziać kurs na dałučeńnie da Jeŭrasajuza?
5-6. Ci padtrymlivajecie Vy ŭviadzieńnie ŭ Biełarusi prava pryvatnaj ułasnaści na ziamlu?
Ci treba ŭ Biełarusi admianić śmiarotnaje pakarańnie?
Nahadajem, dniami svaje pytańni na «Narodny refierendum» nazvała Partyja BNF.
Kančatkovy ahulny śpis z 10 pytańniaŭ budzie składzieny da 24 kastryčnika.
Zatym na praciahu dvuch tydniaŭ śpis budzie skaročany da piaci pazicyj i pačniecca zbor podpisaŭ u padtrymku vyniasieńnia hetych pytańniaŭ na refierendum.
Varta adznačyć, što ni razu jašče Lidzija Jarmošyna i CVK nie dazvolili praviadzieńnia refierendumu, inicyjavanaha hramadzianami.
