Milicyja raźmiaściła ŭ internecie frahmient telefonnaj razmovy maładoha čałavieka, jaki padazrajecca ŭ źbićci 20-hadovaha chłopca.
23 vieraśnia kala 19 hadzin u padjeździe doma 36 pa vulicy Sierdziča troje nieviadomych źbili minčuka. Kali na šum z kvatery vyjšła jaho maci, napadniki źbiehli. Chłopca ž špitalizavali, a pra incydent paviedamili ŭ milicyju. Ale praz dva tydni paśla vypiski chłopcu patelefanavaŭ nieznajomiec i pačaŭ pahražać fizičnaj raspravaj.
Milicyjanty ŭstanavili, što telefanavali z aŭtamata na vulicy. A pierad hetym adtul źviarnulisia ŭ telefonnuju daviedku, dzie prasili nazvać numar mienavita kvatery na Sierdziča.
Frahmient zapisu razmovy z apierataram i raźmiaścili ŭ internecie milicyjanty.
Kali niechta paznaŭ hołas, źviartajciesia ŭ milicyju na numary: (044) 751-08-62, (017) 252-02-02.
