Jak paviedamili BiełaPAN u pasolstvie Šviecyi, ad šviedskaha boku ŭ Minsk pryjeduć pasoł Uschodniaha partniorstva MZS Marcin Chahstrem i hiendyrektar palityčnaha departamienta MZS Turbjorn Sulstrom.
Polski bok buduć pradstaŭlać palityčny dyrektar ministerstva Jarasłaŭ Bratkievič, upaŭnavažanaja ministra zamiežnych spraŭ pa spravach Uschodniaha partniorstva Bieata Pienksa i namieśnik dyrektara Uschodniaha departamienta MZS Konrad Paŭlik, paviedamili ŭ pasolstvie Polščy.
Pavodle papiaredniaj infarmacyi, u dypłamataŭ Šviecyi i Polščy zapłanavany sustrečy z pradstaŭnikami Ministerstva zamiežnych spraŭ i Administracyi prezidenta.
Pra toje, što napiaredadni samitu Uschodniaha partniorstva ŭ Vilni adbudziecca takaja pajezdka, paviedamili ministry zamiežnych spraŭ Polščy Radasłaŭ Sikorski i Šviecyi Karł Bilt u sumiesnym artykule, apublikavanym 21 kastryčnika ŭ šerahu ŚMI.
Napačatku paviedamlałasia, što Sikorski, Bilt i inšyja vysokapastaŭlenyja pradstaŭniki Polščy i Šviecyi pierad samitam majuć namier naviedać stalicy dziaržaŭ UP — Kišynioŭ, Kijeŭ, Tbilisi, Baku, Jerevan i Minsk.
