 |
Takoje mierkavańnie padaje rasiejski «Kommiersant» sa spasyłkaj na krynicy ŭ AAT «Vympiełkom». Rasiejskija eksperty ličać, što apošniaje słova budzie za vyšejšym kiraŭnictvam Biełarusi.
Pavodle infarmacyi «Kommiersanta», AAT «Vympiełkom» z traŭnia viadzie pieramovy z kiprskaj kampanijaj SB‑Telecom nakont nabyćcia 49 % akcyjaŭ MŁS. Adnak pryncypovaha rašeńnia pa hetym pytańni pakul nie dasiahnuta. Kiraŭnictva «Vympiełkoma» nie chavaje svajoj zacikaŭlenaści ŭ biełaruskim rynku mabilnaj suviazi i hatovaje skarystacca ź luboj mahčymaści, kab zamacavacca ŭ Biełarusi. Uskosnym paćvierdžańniem taho, što rasiejskaja kampanija maje peŭnyja papiarednija damoŭlenaści ab nabyćci MŁS, «Kommiersant» nazyvaje vychad na biełaruski rynak reklamnaha partnera «Vympiełkoma» — hrupy markietynhavych kamunikacyjaŭ BBDO.
Cikava, što Telecom Austria (TA) bačycca rasiejcam, jak jašče adzin pretendent na nabyćcio doli VELCOM. Tym časam biełaruskija ŚMI dva tydni tamu paviedamili pra zaviaršalnuju stadyju pieramovaŭ pamiž kampanijami «Telekom Austria» i bratami Samavi, uładalnikami kiprskaj kampanii «SB Telecom»
Rasiejskija eksperty adznačajuć mocny ŭpłyŭ dziaržavy na biełaruski sotavy rynak. Staršy kansultant IKS‑Consulting Alaksiej Danilin miarkuje, što pieramoža toj pretendent na dolu MŁS, što najbolš paśpiachova prasuniecca ŭ pieramovach z uradam Biełarusi.
