Čakać pachaładańnia nie daviadziecca ni na hetym tydni, ni na nastupnym. Pra heta Jeŭraradyjo kaža kiraŭnik słužby prahnozaŭ Respublikanskaha hidramieteacentra Dźmitryj Rabaŭ.
«U apošnija dnia ŭstalavałsia anamalna ciopłaje dla hetaha pieryjadu nadvorje. Apošnija sutki było na 8-10 hradusaŭ vyšej za klimatyčnuju normu. Takoje ŭ nas byvaje raz na 20-25 hod. Zaŭčora ŭ Viciebskaj vobłaści byli navalnicy, što taksama redka. U kastryčniku jany byvajuć raz na 10 hod».
U druhoj pałovie tydnia troški pachaładaje, bo pryjdzie bolš śviežaje pavietra. Ale budzie na 3-4 hradusy vyšej za normu dla hetaha pieryjadu.
U čaćvier nočču ad 2 da 8 ciapła, udzień 7-13 hradusaŭ vyšej za nul. U piatnicu unačy da +6 hradusaŭ, udzień ad +8 da +14.
Na vychodnych unačy +1…+7, +7…+13 dniom. Pavodle papiarednich prahnozaŭ, padobnaje nadvorje zachavajecca i na nastupnym tydni.
Ale nie abydziecca biez apadkaŭ. U sieradu miescami na poŭdni krainy projduć karotkačasovyja daždžy. U čaćvier apadki čakajucca tolki ŭnačy. Na vychodnych taksama karotkačasovyja daždžy projduć u niekatorych rajonach nočču.
