Ceły listapad raz na tydzień u kniharni «łohvinaŬ» i halerei «Ŭ» buduć adbyvacca litaraturnyja, muzyčnyja i mastackija imprezy, pryśviečanyja Uładzimiru Karatkieviču, z udziełam paetaŭ, śpievakoŭ i mastakoŭ. Na kožnaj imprezie fiestyvalu samych aktyŭnych čakajuć «latučyja» prezienty ad kampanii «Budźma biełarusami!».
Raskład imprezaŭ fiestyvalu «Latučy stoł Karatkieviča»
6 listapada. Kniharnia «łohvinaŬ». 19.00. Sakrety zajcaŭ-pivavaraŭ
Zusim nieaficyjnaje, ale, tym nie mienš, duža ŭračystaje adkryćcio fiestyvalu «Latučy stoł Karatkieviča». Pra svajho Karatkieviča raskažuć Adam Hłobus, Uładzimir Arłoŭ, Kasia Kamockaja, Anatol Ivaščanka i Anton Rudak. Čakajucca niečakanyja hości. Viadoŭca – Andrej Chadanovič. Arhanizatary – kniharnia «łohvinaŬ» i kampanija «Budźma biełarusami!»
9 listapada. Kniharnia «łohvinaŬ». 14.00. Dzikaje malavańnie
Druhoje mierapryjemstva fiestyvalu «Latučy stoł Karatkieviča» – prezientacyja dziciačaha komiksa Adama Hłobusa »Dzikaje palavańnie i karol Stach». Malavalny majstar-kłas dla dzietak praviadzie mastačka Natalla Haračaja. Dzietki i darosłyja, prychodźcie – budziem malavać!
Arhanizatary – kniharnia «łohvinaŬ» i kampanija «Budźma biełarusami!»
12 listapada. Halereja «Ŭ». 19.00. Skrypka dryhvy
Na treciaj imprezie fiestyvalu «Latučy stoł Karatkieviča» Źmicier Vajciuškievič syhraje svaje pieśni na vieršy Karatkieviča z alboma «Biełaruskaja pieśnia». Arhanizatary – kniharnia «łohvinaŬ» i kampanija «Budźma biełarusami!»
19 listapada. Kniharnia «łohvinaŬ». 19.00. Karatkievič international
Čarhovaja impreza fiestyvalu «Latučy stoł Karatkievičča», pryśviečanaja pierakładam tvoraŭ Karatkieviča na zamiežnyja movy. Prezientacyja polskaha pierakładu ramana «Chrystos pryziamliŭsia ŭ Harodni» z udziełam pierakładčycy Małhažaty Buchalik. A taksama apovied pra lehiendarnaha niamieckaha pierakładčyka Norbierta Randaŭ (1929–2013). Viadoŭca – Andrej Chadanovič. Arhanizatary – kniharnia «łohvinaŬ» i kampanija «Budźma biełarusami!»
26 listapada. Kniharnia «łohvinaŬ». 19.00.Byŭ. Jość. Budu.
U dzień narodzinaŭ kłasika vydaviectva «Mastackaja litaratura» na zaklučnaj imprezie fiestyvalu «Latučy stoł Karatkieviča» pradstavić publicy pieršyja čatyry tamy poŭnaha zboru tvoraŭ Uładzimira Karatkieviča. Vystupoŭcy – Viktar Šnip, Anatol Vierabiej, naščadki piśmieńnika. Arhanizatary – kniharnia «łohvinaŬ» i kampanija «Budźma biełarusami!»
Uvachod na ŭsie imprezy – volny. Siadzieńnie za lehiendarnym stałom – darmavoje. Latučyja prezienty – na padlocie. Katapultujciesia da nas!