U Biełarusi 2 listapada adkryvajecca siezon palavańnia na zajca-rusaka i zajca-bielaka z padychodu, z zasady i zahonam, paviedamili ŭ pres-słužbie Ministerstva lasnoj haspadarki.
Palavać na žyvioł luboha połu i ŭzrostu takimi sposabami možna sa strelbaj ź pieršaj suboty listapada pa apošniuju niadzielu studzienia ŭ śvietły čas sutak.
Dapuskajecca vykarystańnie palaŭničych sabak usich hrup. Strelbu dazvalajecca prymianiać hładkarulnuju z patronami z drobam. Taksama mahčymy biazzbrojny sposab palavańnia z vykarystańniem chartoŭ i łoŭčych ptušak.
Zaraz kolkaść zajca zajca-rusaka ŭ Biełarusi składaje 101,2 tysiačy asobinaŭ, zajca-bielaka naličvajecca bolš za 60 tysiač.
U minułym palaŭničym siezonie ŭ Biełarusi było zdabyta 37,6 tysiačy zajca-rusaka i 6,4 tysiačy zajca-bielaka.
