Kiraŭnik frakcyi apazicyjnaj partyi «Baćkaŭščyna» Arsienij Jaceniuk pryhraziŭ impičmientam prezidentu Janukoviču ŭ suviazi z «tajnymi pieramovami», jakija toj pravioŭ z prezidentam Rasii Uładzimiram Pucinym.
«Ja zaraz źviarnusia da ministra zamiežnych spraŭ, kab nam dali kankretnuju infarmacyju, što kiraŭnik ukrainskaj dziaržavy druhi raz rabiŭ u Rasii i pra što jon razmaŭlaŭ z prezidentam Rasii Pucinym», — zajaviŭ Jaceniuk, dadaŭšy, što tajemnyja pieramovy z kiraŭnikom inšaj dziaržavy źjaŭlajucca pramoj padstavaj dla abviaščeńnia impičmientu prezidentu.
Na dumku Jaceniuka, dziejańni prezidenta śviedčać pra toje što Janukovič nie maje namieru padpisvać Pahadnieńnie ab asacyjacyi ź Jeŭrapiejskim sajuzam.
«Cimašenku nie chočuć vyzvalać … Faktyčna realizujecca scenar, jak sarvać Vilniu. Heta katastrofa dla 40 miljonnaj dziaržavy», — dadaŭ Jaceniuk.
Padstavaj dla chvalavańniaŭ Jaceniuka staŭ rabočy vizit Janukoviča ŭ Maskvu, padčas jakoha ŭkrainski prezident abmierkavaŭ z rasijskim kaleham Pucinym handlova-ekanamičnyja adnosiny dźviuch krain.