Prezident Branisłaŭ Kamaroŭski ŭ efiry Radio Zet vybačyŭsia pierad Rasijaj za «absalutna skandalnyja padziei kala pasolstva» 11 listapada ŭ Varšavie.
Prezident Kamaroŭski ŭ studyi Radio Zet, radiozet.pl
«Heta ni čym nielha apraŭdać, možna tolki paprasić prabačeńnia, — skazaŭ Kamaroŭski. — Ad imia polskaj dziaržavy pavinien vybačycca, ale my viedajem, jakija vielizarnyja straty dla imidžu polskaj dziaržavy zroblenyja».
Prezident dadaŭ, što ŭ Polščy chapaje asiarodkaŭ, zacikaŭlenych, kab kraina atajasamlałasia z rusafobijaj.
Nahadajem, 11 listapada ŭ Varšavie pravyja praviali «Marš niezaležnaści», padčas jakoha, u tym liku, byli spalenyja palicejskaja budka kala bramy rasijskaha pasolstva. Taksama ŭdzielniki maršu spalili viasiołkavuju instalacyju ŭ centry Varšavy, adbyłasia bojka pamiž futbolnymi fanatami i «antyfa».
Tym časam siońnia nacboły zakidali fajerami pasolstva Polščy ŭ Maskvie.
Aktyvisty «Druhoj Rasii» praviali kala pasolstva Polščy ŭ Maskvie akcyju pratestu. Udzielniki akcyi raściahnuli pierad pasolstvam banier z łozunham «Rasija ad Varšavy da Port-Artura!». Aktyvisty zakidali terytoryju dypmisii fajerami i dymavymi šaškami.
