Hadavy płan pa abjomie budaŭnictva žylla nie vykonvajecca, havorycca ŭ ahladzie ab vynikach sacyjalna-ekanamičnaha raźvićcia ŭ studzieni—vieraśni, padrychtavanym Ministerstvam ekanomiki.
«U studzieni—vieraśni ŭ ekspłuatacyju ŭviedziena 3 młn. 747,6 tys. kvadratnych mietraŭ ahulnaj płoščy žylla, što składaje 57,7% da ŭstanoŭlenaha hadavoha zadańnia. U paraŭnańni z anałahičnym pieryjadam minułaha hoda ŭvod žylla pavialičyŭsia na 9,8%. Zadańnie pa vynikach studzienia—vieraśnia 2013 hoda (75% ad hadavoha zadańnia) dasiahnuta tolki ŭ Minsku», — havorycca ŭ ahladzie.
Jak paviedamlałasia raniej, u 2012 hodzie ŭ Biełarusi było ŭviedziena ŭ ekspłuatacyju 4,48 młn. kvadratnych mietraŭ žylla. Aficyjny prahnoz praduhledžvaŭ pavieličeńnie abjomu budaŭnictva žylla ŭ 2013 hodzie da 6,5 młn. kvadratnych mietraŭ.
Mierkavałasia, što na budaŭnictva žylla sioleta budzie nakiravana 37,3 trłn. rubloŭ, pryčym asnoŭnaj krynicaj finansavańnia žyllovaha budaŭnictva pavinny byli stać srodki nasielnictva.
