Premjer-ministr Michaił Miaśnikovič patrabuje pakarać Minsportu za nieefiektyŭnaje raschodavańnie srodkaŭ na rekanstrukcyju spartyŭnaha centra ŭ Raŭbičach.
Jak paviedamiła pres-słužba ŭrada, pra heta jon zajaviŭ na pasiadžeńni prezidyuma Savieta ministraŭ 19 listapada, na jakim razhladaŭsia chod rekanstrukcyi abjektaŭ ustanovy «Respublikanski centr alimpijskaj padrychtoŭki pa zimovych vidach sportu «Raŭbičy».
Dziaržaŭnym metavym biudžetnym fondam nacyjanalnaha raźvićcia ŭ 2011—2013 hadach dla ažyćciaŭleńnia prajektavańnia, budaŭnictva i rekanstrukcyi abjektaŭ centra vydzielena 50 młrd. rubloŭ. Usiaho ž na rekanstrukcyju nieabchodnyja kala 474 młrd., paviedamlaje pres-słužba.
Na dumku premjer-ministra, raźmierkavańnie finansavych srodkaŭ, praduhledžanych pa hetym prajekcie, viadziecca nieefiektyŭna.
«Heta pramyja chiby Ministerstva sportu i turyzmu. Za heta treba nieści pakarańnie», — padkreśliŭ kiraŭnik urada.
Jak paviedamiŭ ministr sportu i turyzmu Alaksandr Šamko, u 2010—2011 hadach była vykananaja rekanstrukcyja akrabatyčnaha schiłu dla frystajłu, u 2012 hodzie ŭviedziena ŭ ekspłuatacyju vodazabornaja artezijanskaja śvidravina, u 2013-m — zavieršana rekanstrukcyja miedyka-adnaŭlenčaha centra. Abjekt uviedzieny ŭ ekspłuatacyju ŭ červieni hetaha hoda. Zaraz pravodziacca raboty pa rekanstrukcyi łyžarolernaj trasy. Narmatyŭny termin budaŭnictva hetaha abjekta — dzieviać miesiacaŭ, jaho aryjencirovačny košt składaje kala 50 młrd. rubloŭ. Pry hetym sioleta vydzielena tolki kala 29 młrd. Uvod u ekspłuatacyju trasy zapłanavany na 2014 hod.
Pavodle infarmacyi ministra, dla raźliku za vykananyja raboty i zaviaršeńnie siezonnych budaŭničych rabot nieabchodnaje dadatkovaje finansavańnie sioleta ŭ 65 młrd. rubloŭ.
«Vydzialeńnie sioleta hetych srodkaŭ, a taksama nieabchodnaje rytmičnaje finansavańnie ŭ 2014 hodzie dazvolać zaviaršyć rekanstrukcyju abjektaŭ centra va ŭstanoŭlenyja terminy pa prajekcie i pravieści čempijanat śvietu pa bijatłonie siarod junijoraŭ u 2015 hodzie na vysokim uzroŭni», — zaznačyŭ Šamko.
Miaśnikovič daručyŭ vydzielić bolšuju častku srodkaŭ, što zapytvajucca na hety hod. Astatniaja suma, pavodle jaho słoŭ, budzie vydzielena pry ŭmovie ich kampietentnaha vykarystańnia. Premjer-ministr rasparadziŭsia «ŭstanavić žorstki kantrol za efiektyŭnaściu vykarystańnia hrašovych srodkaŭ».
