 |
Vialikaja biełaja čapla (Egretta alba) abranaja Centralnym Savietam APB (HA «Achova ptušak Baćkaŭščyny») ptuškaj 2008 hoda. Hety vid atrymaŭ bolšaść hałasoŭ siarod čatyroch kandydataŭ na hety «post».
Kampanija «Ptuška hoda» pieratvaryłasia ŭ Biełarusi ŭ sapraŭdy nacyjanalnuju. Akramia šmatlikich konkursaŭ i akcyj, štohod vypuskajecca admysłovaja marka i kanvert «pieršaha dnia» z vyjavaj ptuški hoda. Z hetaha hodu Nacbank krainy pryniaŭ rašeńnie taksama štohod vypuskać manetu «Ptuška hoda ŭ Biełarusi».
Vialikaja biełaja čapla — adzin z 9 vidaŭ čaplaŭ, jakija sustrakajucca ŭ našaj krainie. Raniej u Biełarusi mieła status «rehularna zalotny vid». Z 1990-ch hadoŭ pačała adznačacca na hniezdavańni. Na siońniašni dzień hety pryhožy vid ptušak mahčyma sustreć pa usioj krainie i štoraz čaściej. Adnak, niahledziačy na toje, što vid zaniesieny ŭ «Čyrvonuju knihu Biełarusi», zarehistravany šmatlikija vypadki niezakonnaha zabojstva ptušak, asabliva na rybhasach.
