Hienieralnaha dyrektara «Urałkalija» Uładzisłava Baŭmhiertniera dastavili ź Biełarusi ŭ Maskvu, paviedamlaje RIA «Naviny».
Pavodle paviedamleńnia ITAR-TASS, top-mieniedžar prybyŭ u rasijskuju stalicu rejsam «Aerafłota» ŭ 23.17 pa miascovym časie (u 22.17 pa Minsku). Jaho supravadžali supracoŭniki Fiederalnaj słužby vykanańnia pakarańniaŭ RF. Aficyjna hetaja infarmacyja pakul nie paćvierdžana.
Raniej paviedamlałasia ab pieradačy Baŭmhiertniera rasijskim pravaachoŭnym orhanam.
U Rasii ŭ dačynieńni da Baŭmhiertniera raspačata kryminalnaja sprava pavodle artykuła «Złoŭžyvańnie paŭnamoctvami».
U kastryčniku ŭ dačynieńni da jaho Basmanny rajonny sud Maskvy zavočna vybraŭ mieru strymańnia ŭ vyhladzie zaklučeńnia pad vartu, nahadvaje gazeta.ru
U Minsku hiendyrektar «Urałkalija» byŭ aryštavany 26 žniŭnia i da 26 vieraśnia ŭtrymlivaŭsia ŭ SIZA KDB, a zatym byŭ pieraviedzieny pad chatni aryšt.
