Ministr zamiežnych spraŭ Litvy Linas Linkiavičus paradavaŭsia krokam Małdovy i Hruzii ŭ bok Jeŭropy, adnak sprahnazavaŭ, što cisk z boku Raii na hetyja krainy ŭzmocnicca, tamu padpisać asacyjatyŭnuju damovu ź imi budzie niaprosta, cytuje lrt.lt partał ru.delfi.lt.
— Ministr, Vy da apošniaj chviliny spadziavalisia, što ŭ Vilni mohuć padpisać damovu ab asacyjacyi pamiž ES i Ukrainaj. Adkul u Vas biarecca aptymizm? Moža, i ciapier Vy jašče nie stracili nadziei?
— Ja mieŭ racyju, kažučy, što šmat što moža źmianicca, pakolki heta abmiarkoŭvałasia. Ale prezident Ukrainy vyrašyŭ nie padpisvać damovu. Adnak, nichto nie ŭhavorvaŭ, nie prymušaŭ padpisvać.
Prosta sprabavali vyśvietlić matyvy, arhumienty, pakolki ŭ apošnija dni my atrymali šmat roznych sihnałaŭ. My vyśvietlili, što Ukraina nie hatovaja da padpisańnia hetaj damovy. Dobraja viestka, kali jaje možna tak nazvać, heta toje , što nie skazali, što ŭvohule nie chočuć jaho padpisvać.
— Moža, skazali, kali zachočuć?
— Heta budzie zaležać ad situacyi. Kali b učora rašeńnie Ukrainy źmianiłasia, to Saviet ES byŭ hatovy adrazu ž abmiarkoŭvać novuju situacyju. My byli hatovyja, ale dla hetaha nie było pryčyn. Pazicyja Ukrainy źmienicca ŭ budučyni, da hetaha pytańnia pryjdziecca viarnucca.
— Hutarki z prezidentam Ukrainy byli nadzvyčaj napružanymi?
— Hutarki byli adkrytymi, usie kazali, što dumali. Choć, ja dumaju, spadziavalisia, što prajaviać bolš hnutkaści. Spadziavalisia, što va Ukrainy bolš mocnaja matyvacyja i bolš razumieńnia, što ŭpuščanaja mahčymaść — heta vielmi važnaja reč. Inšaja mahčymaść isnuje tearetyčna i, vidać, moža być praktyčnaj, ale heta budzie vielmi składana.
— Vypadak Ukrainy pakazvaje, što hieapalityčny ŭpłyŭ ES słabieje. Ci zdolny siońnia ES hulać u hieapalityčnyja hulni z Rasijaj?
— Ja b nie pahadziŭsia z takimi dramatyčnymi vysnovami. Ja mahu skazać heta, abapirajučysia na pohlad hramadzianskaj supolnaści. Hramadzianskaja supolnaść nie źviazana abaviazacielstvam pryhoža havaryć, a mierkavańnie apazicyi i niaŭradavych arhanizacyj było adzinym: heta pośpiech.
Treba skazać sabie dobraje słova. Za hetyja paŭhoda staršynstva situacyja prasunułasia napierad. I nie zaŭvažyć heta vielmi składana. Ukraina na samaj spravie nabliziłasia da Jeŭropy.
Damova ab asacyjacyi, treba pryznać, heta niesapraŭdnaje siabroŭstva. Heta peŭny etap. I choć było b pryjemna zafiksavać heta ŭ Vilni, našmat važniej jakaść pracesu. Zaŭvažcie, jak paśpiachova na hetym etapie pakazali siabie Małdova i Hruzija.
— U nastupnym hodzie Małdova i Hruzija płanujuć padpisać damovu ab asacyjacyi. Ci nie zdarycca ź imi toje ž samaje, što było z Ukrainaj? I ci jość u ES instrumienty dla abarony hetych dźviuch dziaržaŭ?
— Ź situacyi apošniaha času vynieśli ŭroki. Adzin z urokaŭ vielmi jasny. Heta adzinstva krain ES. Nie tolki stratehija ŭ dačynieńni da krainaŭ Uschodniaha partniorstva, ale i stratehija ŭ adnosinach z Rasijaj. Pośpiech nie harantavany aŭtamatyčna jak u vypadku z Małdovaj, tak i ŭ vypadku z Hruzijaj. Padpisańnie damovy ab asacyjacyi dla hetych krain zapłanavany, ale było b naiŭnym ličyć, što ŭsio budzie lohka. Ja b prahnazavaŭ, što cisk [Rasii] nie pamienšycca, a pavialičycca. I pośpiech budzie zaležać nie tolki ad zaciataści hetych krain, ale i ad jasnaj pazicyi jeŭrapiejcaŭ.
— Nakolki niebiaśpiečny dla prahramy Uschodniaha partniorstva Mytny sajuz, što stvaraje Rasija?
— Słova "niebiaśpiečny" niedakładnaje. My nie bačym pahroz u hetych farmiravańniach. Heta kankurencyja, a nie niebiaśpieka. Ja i našy kalehi, viadoma, schilnyja pratežyravać jeŭrapiejski prajekt.
http://ru.delfi.lt/
