KDB raspačaŭ kryminalnuju spravu ŭ dačynieńni da padpałkoŭnika justycyi Śledčaha kamiteta, jaki padazrajecca ŭ atrymańni bujnoha chabaru.
Padpałkoŭnik zajmaje pasadu namieśnika načalnika śledčaha adździaleńnia Minskaha rajonnaha adździeła SK. Jamu inkryminujecca ździajśnieńnie złačynstva pa č.3 art.430 Kryminalnaha kodeksa (atrymańnie chabaru, ździejśnienaje ŭ asabliva bujnym pamiery, albo arhanizavanaj hrupaj, albo asobaj, jakaja zajmaje adkaznaje stanovišča).
Padrabiaznaści spravy pakul nie razhałošvajucca. Viadoma tolki, što padpałkoŭnik justycyi padazrajecca ŭ vymahalnictvie i atrymańni bujnoha chabaru za stanoŭčaje rašeńnie ab spynieńni rasśledavańnia kryminalnaj spravy, jakaja była ŭ jaho ŭ viadzieńni.
Ciapier padpałkoŭnik zatrymany. Viadziecca pravierka ŭsich spravaŭ, jakija jon vioŭ u apošnija hady. Nie vyklučana, što hety fakt chabarnictva byŭ zusim nie adzinkavym.
